ડિહાઈડ્રેશન

ડિહાઈડ્રેશન એટલે નિર્જલીકરણ . 

શરીરમાં પાણીની કમીના લક્ષણ .

આવુ ના થાય તેટલા માટે નીચેના ઉપાયો ને ખાસ ધ્યાનમાં રાખવા જોઇએ ઃ

પાણી વધારે પીવો. ઓછામાં ઓછા દિવસભરમાં 8-10 ગ્લાસ. ઓછું પાણી પીનારને કબજીયાત તથા અન્ય સમસ્યા થઈ શકે છે.

પાણી પીવું એ પગ માટે ખૂબ ફાયદાકારક છે, કેમ કે તે પાણીના ભરાવા (Water Retaintion)ને ઘટાડે છે.

 સવારે ઉઠતા જ 1 ગ્લાસ તાંબાના લોટાનું હુંફાળું પાણી પીવો. રાતના સૂતા સમયે એક ગ્લાસ હુંફાળા પાણીમાં લીંબુ નાખીને પીવો.

બની શકે તો દિવસ દરમ્યાન દર કલાકે પાણી પીવો.

[ સ્તોત્ર ઃ દિવ્ય ભાસ્કર ]

સુનહરી સવાર

રોજ પડે છે પણ આજ અનોખી પડી છે સવાર,

આજ આ તે સોનેહરી કિરણોની પડી છે સવાર.

ઉઠીને ઝાંક્યુ ઝરોખાથી ખીલેલા સુંદર ફુલો,

સમીર પણ લહેરાતો હતો આજ મધમ મધમ,

એ સર્વે લાવતા હતા એવા તે મુજમા ખુમાર,

મન ને ગમી ગઇ આવી આ સુનેહરી સવાર.

ઉડતો થયો આસમાનમા પરિંદોની માફક,

પહોચવા ક્ષતીજ પાર ધરતી ની માફક,

કહેશો કોઇ શુ ક્યારેય પહોચી હશે એ ધરા,

કોશીશ કરાવવા આવી આ સુનહરી સવાર.

નીશીત જોશી

કેમ છે ?

Kem Chhe

કેમ છે ? 

આપણા ગુજરાતી ભાષાનુ ગ્રીટીંગ્સ – “કેમ છે/છો ?” . એના વગર તો વાતચીત શરુ જ

ના થાય. અને આ શબ્દમાં આત્મીયતા પણ કેટલી બધી છે . મને તો કોઇપણ પુછે તો એક જ જવાબ હોય .. હુ મજામા છું.. !! [ દિલ થી ..]

 [ આ સુંદર  રચના અહીં વાંચો  ]

મુનસુન અને કોર્ન

મકાઇની મસ્તી સાથે રાખો સ્વાસ્થ્યનો ખ્યાલ

એક બાજુ ધોધમાર વરસતો વરસાદ હોય ને બીજી તરફ સગડી પર કોલસામાં શેકાયેલી મરચું, મીઠું, સંચળ, આમચૂર પાઉડરનો મસાલો લગાવેલી મકાઈ હોય..!

તેમાં પણ ઉપરથી લીબુંની ખટાશનો લસરકો એટલે સોને પે સુહાગા.

મકાઈ શેકી, બાફીને એ ઉપરાંત તેમાંથી સૂપ , સલાડ કે ભેળ બનાવીને તેમાં રહેલાં પોષકતત્વોનો લાભ લઈ શકાય છે.

દેશી મકાઈમાં મેગ્નેશ્યિમ, ફોસ્ફરસ, ઝિન્ક, આર્યન, કોપર જેવાં ખનીજતત્વો હોય છે ,જે શરીરને ફાયદો કરે છે

મકાઇમાંથી વિટામિન ડીની માત્રા પણ મળી રહે છે.

કેરોટીનની ભરપૂર માત્રા આપતી મકાઈ વાળ, નખ તથા ત્વચા માટે ફાયદાકારક છે.

મકાઈ કોલેસ્ટ્રોલ ઘટાડવામાં ઉપયોગી છે.

ડાયાબિટીસના પેશન્ટે મકાઈ ખાવી,પરંતુ સીમિત માત્રામાં.

અમેરિકન મકાઇમાં લ્યુટિન નામનું તત્વ હોય છે, જે  હ્રદય માટે ફાયદાકારક છે.

ડાયટિશિયન લિઝા શાહ, અમદાવાદ

[ સ્તોત્ર ઃ ગ્લોબલ ગુજરાતી ન્યુઝ ]

ભીંજાઈ જા,વરસાદ છે !

Dont take shelter in Rain

વર્ષા મારી મનગમતી મોસમ છે એટલે હુ તો ખુબ જ ખુશ છુ જ્યાં સુધી વરસાદ તારાજી ના સર્જે.. !!આમ તો આપણે વરસાદથી બચતા જ હોઇએ છે પણ કોઇ કોઇ વાર ભીંજાવું સૌને ગમતું હોય છે .અને આજે રાત્રે  તો મેધરાજા મન મુકિ ને વરસ્યા.   ફરી વરસાદ મા પલળવાનો મોકો મળી ગયો . અમે ગ્રોસરી લેવા ગયા હતા અને  છત્રી સાથે લઈ નહતા ગયા  તો સ્ટોર થી પાર્કિંગ સુધી નુ અંતર પલળતા કાપવુ પડ્યુ … મજા આવી ગઈ .આ વરસાદ તો જોરદાર હતો … અને એમા ભીંજાવુ પણ કોઇ હિરોઇક સ્ટંટ થી ઓછુ નથી ….  પહેલો વરસાદ તો  હુ કોઈ દિવસ મિસ નથી કરતી … પણ પછી ના વરસાદ મા કોઇ કોઇ વાર તો ભીંજાઇ જવુ જોઇએ !! આપણા દેશમા વરસાદ ને માણવો હોય તો  ‘ કેરાલા ‘  નુ નામ પહેલુ આવે .. ત્યાનુ લેન્ડસ્કેપ, સ્કાયસ્કેપ, વોકિંગ વગેરે.. પણ ‘ ગોવા ‘ ને ના ભુલાય..  કહેવાય છે કે ગોવામા મુનસુન નો જાદુ જ કઈ ઓર હોય છે !! ત્યાનો વોટરસ્કેપ, ટ્રેકિંગ, કાયકિંગ , ફોટોગ્રાફી , સોન્ગ, ડાન્સ અને ખાસ તો ફૂડ આ બધા નો સમન્વય !! હવે ચોમાસામા વરસાદ ની મજા સાથે ખાવાની પણ લિજ્જ્ત હોવી જોઈએ ને !! ગોવા ની ગવર્મેન્ટ એક ફૂડ ફેસ્ટિવલ ઓર્ગનાઇઝ કરે છે .. તેમા  વિવિધ મુનસુન ડેલીકેસી હોય છે ..આપણે ગુજરાત મા પણ એવુ કઈક હોત તો કેવુ સારુ થાત !!

તો એ વાત પર એક વરસાદી સ્પેશ્યલ ડીશ …ગરમ ગરમ ચા સાથે..!!

  
 

મન મોર બની થનગાટ કરે…

વરસાદે ફરી સાદ આપ્યો. વરસાદ ને જોઈને મારુ મન તો મોર બની થનગાટ

કરે છે .વરસાદમાં સંગીતના તાને ઝુમી ઉઠવાનુ મન થાય.આપણા

વરસાદી ગુજરાતી ગીતો કંઇક અલગ જ અનુભૂતિ કરાવે છે. એમા ઝવેરચંદ

મેઘાણી ની રચના ‘મન મોર બની થનગાટ કરે’  ખુબ જ સુંદર છે . 

Man more bani thangat kare

એના વિશે એક સુંદર લેખ મારા વાંચવામા આવ્યો જેના થોડા અંશો હુ અહિ

રજુ કરૂ છુ ઃ

મોર એ વર્ષા ઋતુ સાથે જોડાયેલું પક્ષી ગણાય છે. એવુ કહેવાય છે કે રાગ ગૌડ

મલ્હાર વરસાદની ઋતુનો રાગ છે.મોરના અવાજમાંથી નીકળતા સૂરોને આ

રાગ મળતો આવે છે.વરસાદની શરૂઆત થાય છે ત્યારે આ રાગની બંદિશો

ગાવાનું મન જરૂર થઇ જાય.[સ્તોત્ર ઃ મુંબઈ સમાચાર-પં.પરેશ જાના]

ભીની સાંજ મુબારક દોસ્તો ..!!

વરસાદ વરસી રહ્યો છે ..  વરસાદ ની બુંદો  વાતાવરણમાં ઠંડક ભરી દે છે.

અત્યારે તો આખુ વડોદરા વરસાદની બુંદુ થી તરબતર  થઈ ગયુ છે , તેમાં એક

કપ ઓફ કોફી અને જોડે જોડે સંગીત ના સુર પણ રેલાય   .. તો આવી જ ભીની

ભીની સાંજ મુબારક દોસ્તો ..!!

વાદળોનો ભીનો-ભીનો પરિચય- શ્રી જગદીશચંદ્ર ભટ્ટ

Clouds on the Sky

 

૧૫૦૦થી ૨૦૦૦ મીટર : આકાશમાં ૧૫૦૦થી ૨૦૦૦ મીટરની ઊંચાઈએ

ક્યુમુલોનિમ્બસ  જેવું વિશિષ્ટ નામ ધરાવતાં વાદળાં તરતાં હોય છે.

નિષ્ણાત હવામાનશાસ્ત્રીઓના કહેવા મુજબ આવાં ક્યુમુલોનિમ્બસ પ્રકારનાં

વાદળાંનો આકાર અધ્ધર આકાશમાં જાણે કે રૂના મોટા-મોટા ઢગલા કર્યા હોય

એવો હોય છે.

ક્યુમુલોનિમ્બસ પ્રકારનાં વાદળાં ૨૦૦૦થી છેક ૫૦૦૦ મીટરની ઊંચાઈ સુધી

પથરાયેલાં હોય છે. એટલે કે આવાં વાદળાં ગગનનો બહુ મોટો હિસ્સો ઢાંકી દે

છે,

એટલું જ નહીં, ક્યુમુલોનિમ્બસ પ્રકારનાં વાદળાં શ્વેતરંગી અને વિશાળ કદનાં

હોવાથી આકાશમાં બહુ સુંદર અને નયનરમ્ય લાગે છે.

 જોકે આ જ ક્યુમુલોનિમ્બસ વાદળાં વરસાદની મોસમમાં ભારે તોફાની પણ

બની જાય છે.

વાદળાં ફાટવાની આવી કુદરતી ઘટનાનું કારણ ખરેખર તો આવાં

ક્યુમુલોનિમ્બસ પ્રકારનાં વાદળાં જ હોય છે.

૨૦૦૦થી ૩૦૦૦ મીટર : આકાશમાં ૨૦૦૦થી ૩૦૦૦ મીટરની ઊંચાઈએ

સ્ટ્રેટોક્યુમુલસ કૅટેગરીનાં વાદળો ઘૂમતાં હોય છે.

અફાટ આકાશમાં જાણે કે પ્રકૃતિએ વિરાટ કદના અને સફેદ કલરના અસંખ્ય

ગાલીચા પાથરી દીધા હોય એવું મનોહર દૃશ્ય સર્જાય.

એવું લાગે કે અનંત ગગનમાં કોઈ મજેદાર ઉત્સવ ઊજવાઈ રહ્યો છે અને

ઝાઝાબધા મહેમાનોની આગતાસ્વાગતા માટે ખુદ પ્રકૃતિએ આવા રેશમી અને

ધવલરંગી ગાલીચા પાથરી દીધા છે.

[ સ્તોત્ર ઃ ગુજરાતી મિડ-ડે સમાચાર પત્ર ]

મોસમનો પહેલો વરસાદ

મોસમ આજે મહેરબાન છે. વરસાદે આગમન કર્યું છે અને એ પણ જોરદાર

ગાજવીજ સાથે , અત્યારે હુ લખી રહી છુ અને બહાર વરસાદ વરસે છે

…વરસાદ થવાના કારણે અહિયા વાતાવરણ આહલાદક બની ગયું છે.

મોસમના પહેલા વરસાદની મઝા કોણે ના લીધી હોય ?

મને “માટી ની ભીની સુ઼ગઁઘ ” ગમે છે.!!!!!

 વર્ષાઋતુમાં સૌંદર્ય માણવું તે જિંદગીની ઉત્તમ પળ છે. બરાબર ને મિત્રો .

આછાં વાદળવાળું આકાશ 

ઝરમર વરસાદ

લહેરાતાં લીલાછમ વૃક્ષ .

વર્ષાઋતુનું કુદરતી સૌંદર્ય દરેક ના મનને સ્પર્શી જાય.

 વરસાદ ને જોઈ ને નીચેની પંક્તિઓ ગુનગુનાવાનુ મન થઈ જાય  ..

વરસાદ ની મજા લેવા સાથે ::

 

ચારેકોર ઊભરતા હાલક હિલોળ મહીં ઝબકોળાં થોડાંઘણાં થાવા દે જરી.

ઝાલ્યો ઝલાય નહીં જીવ કેવાં કે’ણ લઈ આવી મસ્ત માટીની સુગન્ધ !

ઝડીયુંની જોરદાર જામી આ રમઝટમાં થઈએ તરબોળ એવું ના’વા દે જરી..

વરસાદની હેલી

આ ઝરમર …. દેખાણી?  હા
આ વરસાદની હેલી…. દેખાણી?  હા હા
અને વરસાદ ની રાણી…દેખાણી? દેખાણી

જો બાળકો….
-કાગળ ની હોડી
ધરતી છે માતા
-હે મા તારી જય હો !!!

મન મુકી પલળવા વરસાદની ભાષા લેવી જાણી
આ વરસાદની હેલી…. દેખાણી

અજ્ઞાત

મેક્સી ડ્રેસ

વરસાદી વાંછટો ક્યારેક ક્યારેક આવીને પલાળી જતી હોય છે.

તેવા સંજોગોમાં ડેનિમ પહેરવાનો તો વિકલ્પ પણ ન વિચારાય.

હવે આ સંજોગોમાં કેવી ફેશનેબલ સ્ટાઇલ અપનાવવી તે અંગે માનુનીઓને

અવઢવ રહેતી હોય છે.

આ અવઢવને દૂર કરીને તમે મેક્સી ફ્રોક કે ગાઉનનો સ્ટાઇલિશ વિકલ્પ

અપનાવી શકો છો.

મેક્સીનો ઓપ્શન ચોમાસાના આઉટિંગ ડ્રેસિંગ માટે એકદમ યોગ્ય છે.

મેક્સીના મટિરિયલમાં શિફોન, જ્યોર્જેટ, કોટન સિલ્ક, લિનન જેવા ફેબ્રિક

વપરાય છે.

તેમાંય જો ફલોરલ પ્રિન્ટ હોય તો તો મેક્સીનો રૂઆબ કંઇક અલગ જ લાગે છે.

તમે ચોમાસામાં ની લેન્થ કરતા જરા લાંબી ફ્રોક ટાઇપ મેક્સી અને ગમ બૂટ

પહેરીને એક આગવી સ્ટાઇલ વિકસાવી શકો.

મેક્સી સાથે ક્લચ પર્સીસ અથવા તો ઝોલા બેગ વધારે સૂટ થશે.

ફૂટવેરમાં સ્ટિલેટોઝથી માંડીને બજીસ અથવા પ્લેટફોર્મહિલ કે સામાન્ય

હિલવાલા સેન્ડલ પહેરી શકો.

લોન્ગ મેક્સી સાથે ફ્લિપ ફ્લોપ પહેરવાનો અખતરો ન કરવો.

[સ્તોત્ર ઃ ગ્લોબલ ગુજરાતી ન્યુઝ સમાચારપત્ર]

By આપણુ ગુજરાત Posted in ફેશન