સોનલ ગરબો

 મા સોનલ ગરબો લઈ માડી વિનવુ આજ રે….

સોળ સજે શણગાર માડી

ગરબે ધુમવા આજ ..  પધારો મા

                 

 

       

        

                            

                             

                                                       હો મા …

 મા સોનલ ગરબો લઈ માડી વિનવુ આજ રે….

હો આરાસુર થી માડી નવલી તે નોરતાએ

રમવા પધારો મા

ધુમવા પધારો મા

                                                                 

ચોસઠ જોગણીઓના સંગે 

ગરબે રમવા આજ  

પધારો મા  

સોનલ ગરબો લઈ માડી વિનવુ આજ રે….

 

 

જય અંબે


અંબા મા તારું દર્શન દુર્લભ, દર્શનથી દુઃખ ભાંગે છે,
અરજ કરી માને શીશ નમાવું, ધન્યભાગ મારું આજે છે…
 
લક્ષ ચોર્યાશી ફેરા ફરીને, મનસા અવતાર ધરાવ્યો છે,
ગુલામ તમારો આવ્યો મુસાફર, માયામાં લપટાયો છે…
 
કામ, ક્રોધ, મોહ, મત્સર, માયા દુર્મતિ મન પર છાયો છે,
લોભ લહેર એક નદીયા વહે છે, ઉસમેં જીવ દુભાયો છે…
 
તુમ બીના પાર ઉતારે કોણ મા, ભક્તને કે શિર ગાજે છે,
અરજ કરીને માને શીશ નમાવું, ધન્યભાગ મારું આજે છે…
 
કોઈ વખત જીવ જાયે ધરમ પર, માયા પાછી લપટાવે છે,
આકીન અમારું રહેતું નથી, મારું પાપ મને અથડાવે છે…
 
હવે ઉપાય શું કરું માતાજી, હમકું કોઈ બતાવે છે,
ચાકર બેઠો ચિત્તમાં તમારો, દિલમાં બહુ ગભરાવે છે…
 
મારી હકીકત તું સહુ જાણે, ઘટઘટમાં તું બિરાજે છે,
અરજ કરી માને શીશ નમાવું, ધન્યભાગ મારું આજે છે…
 
મા નિરંજન તું દુઃખભંજન, નિરધનને ધન આપે છે,
વાંઝિયા હોય તેનું મેણું ટાળી, તેને તું ફરજંદ આપે છે…
 
ભક્ત કરે મા ભક્તિ તમારી, તેને તું દર્શન આપે છે,
જન્મોજનમનાં પાપ નિવારણ, એક પલકમાં કાપે છે…
 
બહુચર-મા અંબે દયાળી, ભક્તન જે શિર ગાજે છે,
મારી હકીકત કહી મમમાયા, તુમ બીન કોણ મિતાવે છે…
 
બ્રહ્મા, વિષ્ણુ, રુદ્રને કહીએ, તે તારા ગુણ ગાએ છે,
સર્વ દેવના દેવ તમે છો, તેરા નામકું ધાએ છે…
 
મહારાજ ગીર કહે સત્ય શબ્દ, એ અમર પદ પામે છે,
અમીચંદ કહે છંદ બનાવી, તારે હાથ મારી લાજે છે…
 

હવન

હવન નુ જેમ ધાર્મિક રિતે મહત્વ છે એમ જ વૈજ્ઞાનિક  રિતે પણ છે

પૂજા પાઠ અને હવન દરમિયાન

અગ્નિમાં હોમવામાં આવેલી 

હવન સામગ્રીમાંથી થતો ધૂમાડો 

વાતાવરણને શુધ્ધ કરે છે. 

જેના કારણે બિમારી ફેલાવાની શક્યતા ઘટી જાય છે.

રાષ્ટ્રીય વનસ્પતિ અનુસંધાન સંસ્થાના વરિષ્ઠ વિજ્ઞાની 

ડૉ. ચંદ્રશેખર નૌટિયાલે જણાવ્યું કે

લાકડાં અને ઔષધીય સામગ્રી, જડીબૂટ્ટીઓ, 

જેને સામાન્ય ભાષામાં હવન સામગ્રી કહેવામાં આવે છે 

તેને એક કરીને અગ્નિમાં હોમવાથી 

વાતાવરણમાં શુધ્ધતા આવે છે. 

હવનની અસર માણસો પર તો સકારાત્મક રહે જ છે 

પણ સાથે ખેતીમાં પણ તેની પોઝિટિવ અસર જોવા મળે છે.

Source :ગુજરાતી ટાઈમ્સ વર્તમાન પત્ર

ॐ ॐ ॐ

આઠમ

 આજે રૂડી આથમડી આવી.

આજે શક્તિપીઠ મા હવન નુ  વિશેષ મહત્વ છે 

જગત જનની મા જગદંબાની આરાધનાના પર્વ નવરાત્રિની આઠમ નિમિત્તે

 લોકોને  માતાના હવન-યજ્ઞનો લાભ લઇ દર્શનનો  લ્હાવો  મળે છે

એમ આજે   આઠમ નિમિતે  

હુ પણ હવન ના દર્શન કરિ ને ધન્ય થઈ ગઈ !

બોલો અંબે માત કી જય

નવરાત્રી મહોત્સવની ભવ્ય ઉજવણી !

નવરાત્રી મા ગરબે ધુમવાની મઝા અનેરી છે

અને 

જોડે જોડે ગરબે ધુમતા જોવાની !!

ખેલૈયા ઓ  તો જાણે થાકતા જ નથી !

આજે અમે મંદિર ના પ્રાંગણ મા ગરબા રમાય છે  

ત્યા ગરબા રમવા ગયા દર વખત ની જેમ જ !

નાના ભુલકા થી માંડી ને વડીલ  ..

દરેક ગરવી ગુજરાતી ઓ  માતાજી ના ભક્તિ ને સંગે 

અને પ્રીત ના રંગે ગરબે ધુમતા હોય ત્યારે એમની સ્પીરીટ જોવા જેવી.

 એમનો ઉત્સાહ ગજબનો હોય છે.

 નાના ભુલકા ઓની તો વાત જ ના પુછો !!

એમને મન તો એટલો ઉત્સાહ હોય છે 

કે આપણે એમને ગરબા રમતા જોઈ ને મંત્રમુગ્ધ થઈ જઈએ છે.

એમને નવ રાત્રી દરમ્યાન ગરબા રમતા જોઈ ને 

નવરાત્રી ના ઉત્સવ મા ચાર ચાંદ લાગી જાય 

અને

ગાયક વૃંદોને અને આયોજકો ને પણ અભિનંદન આપવા પડે 

જેનાથી નવરાત્રી નો રંગ જામે છે.

આપણી સંસ્ક્રુતિ અને આપણી ધરોહર !

અંબે માત ની સ્તુતિ

         

                    

            

જય અંબે માત ભવાની!
ત્રિપુરા દુર્ગા હે મા કાલી! અનંત નામ અનામી … જય અંબે

પ્રેમ તમારો વરસાવી દો, વિનંતી મારી માની
દર્શનનું દો દાન નયનને, કહું ખરાં તો દાની … જય અંબે

બાલ તમારો પ્યાસી બેઠો, મિથ્યા બીજાં પાણી
પ્રેમતણું પય પાઓ મુજને, અંતરની ગત જાણી … જય અંબે

અક્ષય અમૃતનાં ઓ વાસી, બોલો અમૃતવાણી
નશો ચડાવો પ્રેમ ભક્તિનો, પ્રેમ થકી લો તાણી … જય અંબે

હૃદયમહીં ફકત તમે રાજો, ખેલો ઘટઘટ માંહી
તમારા વિના બધું ભૂલાવો, ઢોળી કૃપાનું પાણી … જય અંબે

પ્રેમે પ્રાર્થું કર બે જોડી, યાચું અન્ય ન કાંઈ
તમે જુઓ મુજને ને તમને રહું સદાય નિહાળી … જય અંબે

– શ્રી યોગેશ્વરજી

જય આદ્યા શક્તિ [આરતી]

જય આદ્યા શક્‍તિ મા જય આદ્યા શક્‍તિ,
અખંડ બ્રહ્માંડ દીપાવ્‍યા (૨) 
પડવે પ્રકટ્યા મા, ૐ જયો જયો મા જગદંબે


દ્વિતિયા બેય સ્‍વરૂપ શિવ શક્‍તિ જાણું મા શિવ (૨)
બ્રહ્મા ગણપતિ ગાવે (૨) 
હર ગાયે હરમા, ૐ જયો જયો મા જગદંબે


તૃતીયા ત્રણસ્‍વરૂપ ત્રિભુવનમાં બેઠા મા,ત્રિભુવન (૨)
ત્રયા થકી તરવેણી (૨) 
તું તરવેણી મા, ૐ જયો જયો મા જગદંબે


ચોથે ચતુરા મહાલક્ષ્મી મા સચરાચર વ્‍યાપ્‍યાં, મા (૨)
ચાર ભુજા ચૌદિશા (૨)
પ્રગટયાં દક્ષિણમાં, ૐ જયો જયો મા જગદંબે


પંચમી પંચ ઋષિ, પંચમી ગુણ પદ્મા, મા પંચમી (૨)
પંચ તત્‍વ ત્‍યાં સોહિયે (૨) 
પંચે તત્‍વોમાં, ૐ જયો જયો મા જગદંબે


ષષ્ઠિ તું નારાયણી મહિસાસુર માર્યો મા મહિસાસુર (૨)
નર નારી ના રૂપે (૨)
વ્‍યાપ્‍યાં સર્વેમા, ૐ જયો જયો મા જગદંબે


સપ્તમી સપ્ત પાતાળ સંધ્‍યા સાવિત્રી માં સંધ્‍યા (૨)
ગૌ ગંગા ગાયત્રી (૨) 
ગૌરી ગીતા મા, ૐ જયો જયો મા જગદંબે


અષ્ટમી અષ્ટભુજા આવી આનંદા મા (૨)
સુનીવર મુનીવર જનમ્‍યા (૨) 
દેવ દૈત્‍યો મા, ૐ જયો જયો મા જગદંબે


નવમી નવકુળ નાગ સૈવે નવદુર્ગા મા સેવે (૨)
નવરાત્રીના પૂજન, શિવરાત્રીનાં અર્ચન,કીધાં હર બ્રહ્મા, 
ૐ જયો જયો મા જગદંબે

દશમી દશ અવતાર જય વિજયા દશમી, મા જય (૨)

રામે રામ રમાડયા, (૨) રાવણ રોળ્યો મા, ૐ જયો જયો મા જગદંબે


એકાદશી અગિયારસ કાત્‍યાયની કામા મા કાત્‍યાયની (૨)
કામદુર્ગા કાળીકા (૨) 
શ્‍યામાને રામા, ૐ જયો જયો મા જગદંબે


બારસે બાળારૂપ બહુચરી અંબા મા બહુચરી (૨)
બટુક ભૈરવ સોહીએ કાળ ભૈરવ સોહીએ, તારા છે તુજ મા, 

ૐ જયો જયો મા જગદંબે


તેરશે તુળજા રૂપ તમે તારૂણી માતા, મા તમે (૨)
બ્રહમા વિષ્‍ણુ સદાશિવ (૨) 
ગુણતારા ગાતા ૐ જયો જયો મા જગદંબે


ચૌદશે ચૌદ સ્‍વરૂપ, ચંડી ચામુંડા મા ચંડી (૨)
ભાવ ભક્‍તિ કાંઈ આપો, ચતુરાઈ કાંઈ આપો, સિંહ વાહિની માતા, 

ૐ જયો જયો મા જગદંબે


પુનમે કુંભ ભર્યો સાંભળજો કરુણા મા સાંભળજો (૨)
વસિષ્ઠ દેવે વખાણ્‍યાં મારકણ્ડ મુનિએ વખાણ્‍યાં, ગાઈ શુભ કવિતા, 

ૐ જયો જયો મા જગદંબે


સવંત સોળસત્તાવન સોળસે બાવીસ મા (૨)
સંવત સોળે પ્રગટ્યાં(૨) 
રેવાને તીરે, માં ગંગાને તીરે, ૐ જયો જયો મા જગદંબે


ત્રાંબાવટી નગરી આઈ રૂપાવટી નગરી માં મંછાવટી નગરી
સોળ સહસ્ત્ર ત્‍યાં સોહીએ (૨) 
ક્ષમા કરો ગૌરી, મા દયા કરો ગૌરી,

ૐ જયો જયો મા જગદંબે


શિવ શક્‍તિની આરતી જે કોઈ ગાશે મા જે ભાવે ગાશે
ભણે શિવાનંદ સ્‍વામી (૨) સુખ સંપત્તિ થાશે, હર કૈલાસે જાશે, મા અંબા દુઃખ હરશે, 

ૐ જયો જયો મા જગદંબે




વિશ્વંભરી અખિલ વિશ્વતણી જનેતા..

Amba-Mataji copy

વિશ્વંભરી અખિલ વિશ્વતણી જનેતા,
વિદ્યાધરી વદનમાં વસજો વિધાતા;
દુર્બુદ્ધિ દૂર કરીને સદબુદ્ધિ આપો
મામ્ પાહિ ઓ ભગવતી ! ભવ દુઃખ કાપો. 1

ભૂલો પડી ભવરણે ભટકું ભવાનિ,
સુઝે નહિ લગીર કોઇ દિશા જવાની;
ભાસે ભયંકર વળી મનના ઉતાપો,
મામ્ પાહિ ઓ ભગવતી ! ભવ દુઃખ કાપો. 2

આ રંકને ઉગરવા નથી કોઇ આરો,
જન્માંધ છું જનની હું ગ્રહી બાંહ્ય તારો,
ના શું સુણો ભગવતી શિશુના વિલાપો,
મામ્ પાહિ ઓ ભગવતી ! ભવ દુઃખ કાપો. 3

મા કર્મ જન્મ કથની કરતાં વિચારું,
આ સૃષ્ટિમાં તુજ વિના નથી કોઇ મારું,
કોને કહું કઠિન યુગ તણો બળાપો,
મામ્ પાહિ ઓ ભગવતી ! ભવ દુઃખ કાપો. 4

હું કામ ક્રોધ મદ મોહ થકી છકેલો,
આડંબરે અતિ ઘણો મદથી બકેલો,
દોષો થકી દુષિતના કરી માફ પાપો,
મામ્ પાહિ ઓ ભગવતી ! ભવ દુઃખ કાપો.  5

ના શાશ્ત્રના શ્રવણનું પયપાન પીધું,
હા મંત્ર કે સ્તુતિ કથા નથી કાંઇ કીધું,
શ્રદ્ધા ધરી નથી કર્યા તવ નામ જાપો,
મામ્ પાહિ ઓ ભગવતી ! ભવ દુઃખ કાપો. 6

રે રે ભવાનિ બહુ ભૂલ થઇ જ મારી,
આ જિંદગી થઇ મને અતિશે અકારી,
દોષો પ્રજાળી સઘળાં તવ છાપ છાપો,
મામ્ પાહિ ઓ ભગવતી ! ભવ દુઃખ કાપો. 7

ખાલી ન કાંઇ સ્થળ છે વિણ આપ ધારો,
બ્રહ્માંડમાં અણું અણું મહીં વાસ તારો,
શક્તિ ન માપ ગણવા અગણિત માપો,
મામ્ પાહિ ઓ ભગવતી ! ભવ દુઃખ કાપો. 8

પાપે પ્રપંચ કરવા બધી વાતે પૂરો,
ખોટો ખરો ભગવતી પણ હું તમારો,
જાડ્યાંધકાર કરી દૂર સુબુદ્ધિ આપો,
મામ્ પાહિ ઓ ભગવતી ! ભવ દુઃખ કાપો. 9

શીખ સુણે રસિક છંદ જ એક ચિત્તે,
તેને થકી ત્રિવિધ તાપ ટળે ખચિત્તે,
વાઘે વિશેષ વળી અંબ તણા પ્રતાપો,
મામ્ પાહિ ઓ ભગવતી ! ભવ દુઃખ કાપો. 10

શ્રી સદગુરુ શરણમાં રહીને યજું છું,
રાત્રિદિને ભગવતી તુજને ભજું છું,
સદભક્ત સેવકતણા પરિતાપ ચાંપો,
મામ્ પાહિ ઓ ભગવતી ! ભવ દુઃખ કાપો. 11

અંતર વિષે અધિક ઉર્મિ થતાં ભવાનિ,
ગાઉં સ્તુતિ તવ બળે નમીને મૃડાણી,
સંસારના સકળ રોગ સમૂળ કાપો,
મામ્ પાહિ ઓ ભગવતી ! ભવ દુઃખ કાપો. 12

 

બોલો અંબે માત કી જય .






या देवी सर्वभूतेषु

 

या देवी सर्वभूतेषु विष्णुमायेति शब्दिता।

नमस्तस्यै नमस्तस्यै नमस्तस्यै नमो नम:॥१॥

या देवी सर्वभूतेषु शक्ति रूपेण संस्थिता।

नमस्तस्यै नमस्तस्यै नमस्तस्यै नमो नम:॥२॥

या देवी सर्वभूतेषु भक्ति रूपेण संस्थिता।

नमस्तस्यै नमस्तस्यै नमस्तस्यै नमो नम:॥३॥

या देवी सर्वभूतेषु मातृरूपेण संस्थिता।

नमस्तस्यै नमस्तस्यै नमस्तस्यै नमो नम:॥४॥

या देवी सर्वभूतेषु शान्तिरूपेण संस्थिता।

नमस्तस्यै नमस्तस्यै नमस्तस्यै नमो नम:॥५॥

या देवी सर्वभूतेषु दयारूपेण संस्थिता।

नमस्तस्यै नमस्तस्यै नमस्तस्यै नमो नम:॥६॥

या देवी सर्वभूतेषु श्रद्धारूपेण संस्थिता।

नमस्तस्यै नमस्तस्यै नमस्तस्यै नमो नम:॥७॥

या देवी सर्वभूतेषु लज्जारूपेण संस्थिता।

नमस्तस्यै नमस्तस्यै नमस्तस्यै नमो नम:॥८॥

या देवी सर्वभूतेषु जातिरूपेण संस्थिता।

नमस्तस्यै नमस्तस्यै नमस्तस्यै नमो नम:॥९॥

या देवी सर्वभूतेषु लक्ष्मीरूपेण संस्थिता।

नमस्तस्यै नमस्तस्यै नमस्तस्यै नमो नम:॥१०॥

या देवी सर्वभूतेषु निद्रारूपेण संस्थिता।

नमस्तस्यै नमस्तस्यै नमस्तस्यै नमो नम:॥११॥

 

 

 

 

ગરબા ની રમઝટ -૩

ગરબા વિષે ઝાઝુ શુ કહેવાનુ હોય

એમા તો સાંભળતા દરેક જન એકાકાર થઈ જતા હોય છે

આજે નવરાત્રી ના ચોથા દિવસે અંબે માનો ફરિ એક વાર મજાનો ગરબો

 
માએ ગરબો કોરાવ્યો ગગન ગોખમાં રે
સજી સોળ રે શણગાર મેલી દિવડા કેરી હાર
માએ ગરબો કોરાવ્યો ગગન ગોખમાં રે

ગબ્બરની લઈ માંડવી માથે ઘુમતી મોરી માત
ચુંદલડીમાં ચમકે ઝાઝી રૂપલે મઢી રાત
જોગ માયાને અંગ નર્યો નીતરે ઉમંગ
રમે જોગણીઓ સંગ રૂડો અવરસનો રંગ

માએ પાથર્યો પરકાશ ચૌદ લોકમાં રે
હે માએ ગરબો કોરાવ્યો ગગન ગોખમાં રે
 
ચારે જુગનો ચુડલો માનો સોળ કળાનો વાન
અંબાના અણસારા વિના હાલે નહી પાન
માના રૂપની નહીં જોડ, એને રમવાના બહુ કોડ
માને ગરબા કેરી હોડ, રૂડો અવરસનો રંગ

માએ ગરબો ચગાવ્યો ચાચર ચોકમાં રે
હે માએ ગરબો કોરાવ્યો ગગન ગોખમાં રે
જય અંબે   

ગરબા ની રમઝટ-૨

        
                                                                                                             
નવરાત્રી મા ઢોલ ના તાલે
ગરબા રમવાની
કે
સાંભળવા ની સાથે
 લોકો ઝુમી ઉઠે છે
 
હજુ પણ ઢોલ નુ સ્થાન અકબંધ છે
અને
“ઢોલીડા  ઢોલ” ના શબ્દો સાથે તો
કેટાલાય ગરબા જોડાયેલા છે
 
એમાથી એક ગરબો હુ અહિયા રજુ કરુ છુ
 
ઢોલીડા ઢોલ રે વગાડ મારે હીંચ લેવી છે,
હે હીંચ લેવી છે ને (મારે ગરબે ઘૂમવું છે)…
ઢોલીડા ઢોલ રે વગાડ મારે હીંચ લેવી છે.
 
 
હે તારે કિયા ભાઈનાં ચોગલે હવે હીંચ લેવી છે ?
મારા સાહ્યબા તારે ચોગલે મારે હીંચ લેવી છે.
હે… તારા ઢોલની માથે જો ને દાંડિયું પડે
ને મારા હૈડા લેરે જાય…
મારા દલડાં લેરે જાય… મારા હૈડા લેરે જાય… 
ઢોલીડા…
ઢોલીડા ઢોલ રે…
 
 
હે તારે કિયા ભાઈને દાંડિયે આજે હીંચ લેવી છે ?
મારા સાહ્યબા તારે દાંડિયે મારે હીંચ લેવી છે.
હે… તારા ઢોલની માથે જો ને દાંડિયું પડે ને મારા હૈડા લેરે જાય…
મારા દલડાં લેરે જાય… મારા હૈડા લેરે જાય… 
ઢોલીડા…ઢોલીડા ઢોલ રે…
 
 
રે કિયા ભાઈની ઠેસે હવે હીંચ લેવી છે?
મારા સાહ્યબા તારી ઠેસે મારે હીંચ લેવી છે.
હે… તારા ઢોલની માથે જો ને દાંડિયું પડે ને મારા હૈડા લેરે જાય…
મારા દલડાં લેરે જાય… મારા હૈડા લેરે જાય…  ઢોલીડા…

ગરબો

 

‘ગર્ભદીપ’ શબ્દમાંથી ‘ગરબો’ શબ્દ બન્યો છે.

માટીના કે તાંબા-પિત્તળના કોરેલા-છિદ્રો

પાડેલા ઘડાની અંદર

ગર્ભભાગમાં દીવડો મુકાય તે ‘ગરબો’.

(સૌજન્ય:દિવ્ય ભાસ્કર)

 

આ ” ગરબો”  ની ફરતે ગરબા રમાય છે

અને

માતાજી ની સ્તુતિ થાય છે.

 

ધડાની અંદર જે દિપ પ્રગટાવવામા આવે છે

તે સુચન કરે છે કે

જીવન મા સદ આચરણ  નો પ્રકાશ પ્રગટાવવાથી

જીવન જ્યોર્તિમય બની રહે છે !!

 

ફરિ આપણે  માતાજી નો ગરબો ગાઈ ને ધન્ય થઈ જઈએ :

સોનાનો ગરબો શીરે

 

અંબે મા ચાલો ધીરે ધીરે

 

ચાલો ચાલો ધીરે ધીરે ચાલો ધીરે ધીરે
અંબે મા ચાલો ધીરે ધીરે…

 

સખીઓ સંગે કેવા દીસે છે

ફરર ફૂદડી ફીરે અંબે મા ચાલો ધીરે ધીરે

ચાલો ધીરે ધીરે ચાલો ધીરે ધીરે
અંબે મા ચાલો ધીરે ધીરે….

 

ચૂંદડી ચટકે  મુખડું મલકે

હાર ગળા હેમ હીરે

અંબે મા ચાલો ધીરે ધીરે

ચાલો ધીરે ધીરે ચાલો ધીરે ધીરે

ચાલો ધીરે ધીરે ચાલો ધીરે ધીરે

ચાલો ધીરે ધીરે ધીરે…..

 

ઝાંઝ પખાવત ને વીણા જંતર વાગે

વાગે મંજીરા ધીરે ધીરે

અંબે મા ચાલો ધીરે ધીરે

ચાલો ધીરે ધીરે ચાલો ધીરે ધીરે

ચાલો ધીરે ધીરે ચાલો ધીરે ધીરે

ચાલો ધીરે ધીરે ધીરે… 

 

બોલો અંબે માત કી જય

 

 

ગરબા

 

 કોઈપણ ગુજરાતી ને  પુછો  કે ગરબા એટલે શુ ?

તો દરેક ગુજરાતી એનો જવાબ  આપે છે :

ગરબા એટલે નૃત્ય,સંસ્ક્રુતિ, અને સંગીત નો

સુનેહરો સુમેળ !!

તો બસ થોડી અહિ આવી જ કઈ વાત કરવી છે તમારિ

જોડે મિત્રો જેટલી મને ખબર છે..તમે  પણ ગરબા વિષે

તમારા અભિપ્રાય આપશો એવી મહેચ્છા.

ગરબા જુદા જુદા પ્રકારે રમાય છે

જેમકે

એક તાળી,ત્રણ તાળી, રાસ,હીંચ વગેરે

વડોદરાનુ કહુ તો અહિ દોઠીયુ ખુબ જ પ્રચલિત છે !!

એક્સાથે હજારોની સંખ્યામા ખેલૈયા ને દોઠીયુ રમતા

જોવાની મજા જ કાઇ અનેરી છે.

આ લખતા જ કહેવાનુ મન થાય છે…

હાલો રે હાલો ગરબે રમવા ..

 

 

 

 

 

 

ગુજરાત ના ગરબાની રમઝટ – ૧

 

નવરાત્રી નો પ્રારંભ થઈ ચુક્યો છે

અને

સમગ્ર ગુજરાત ગરબા ના રંગે રંગાઈ રહ્યુ છે.

ગરબામય થઈ ગયુ છે .

અને આ નવ દિવસ સુધી , મારા આવનાર દરેક લેખ મા

પણ એનો રંગ દેખાશે !!

ગુજરાત ના ગરબાની રમઝટ મા  પહેલે ગરબે મા

અંબે ને સાથિયા અને દિવડાથી વધાવી લઈએ :

સાથીયા પુરાવો દ્વારે, દિવડાં પ્રગટાવો રાજ,

આજ મારે આંગણે પધારશે મા પાવાવાળી,

જય અંબે જય અંબે અંબે જય જય અંબે…

 

વાંઝિયાનું મેણું ટાળી રમવા રાજકુમાર દે,

મા ખોળાનો ખુંદનાર દે.

કુંવારી કન્યાને માડી મનગમતો ભરથાર દે,

મા પ્રિતમજીનો પ્યાર દે.

 

નિર્ધનને ધનધાન્ય આપે, રાખે માડી સૌની લાજ

આજ મારે આંગણે પધારશે મા પાવાવાળી… જય અંબે…

 

કુમકુમ પગલા ભરશે માડી સાતે પેઢી તરશે,

મારી સાતે પેઢી તરશે.

આદ્યશક્તિ મા પાવાવાળી જનમ જનમની હરશે પીડા

જનમ જનમની હરશે.

 

દઈ દઈ તાળી ગાઓ આજ વાજિંત્રો વગડાવો રાજ

આજ મારે આંગણે પધારશે મા પાવાવાળી… જય અંબે…

જય અંબે…                                                                      

જય અંબે… 

જય અંબે…